بلادِ اسلامیہ میں کفریہ معابد کے احکام

مدینہ ویمن جیسے علاقے جن کے سب باشندے جہاد سے پہلے مسلمان ہوچکے تھے، یا بصرہ وبغداد جیسے علاقے جنہیں مسلمانوں نے ہی آغاز سے آباد کیا اورجزیرہ عرب کے تمام علاقوں میں کفار کے نئے معابد تعمیر کرنے کی حرمت پر سب مسلمانوں کا اجماع ہے اور یہاں ذمیوں سے کسی نئے معبد کی تعمیر پر کوئی معاہدہ کرنا جائز نہیں اور ہر نئے تعمیرشدہ معبد کو ڈھادینا واجب ہے۔

فقہا ے کرام کے راجح قول کے مطابق جن علاقوں کو مسلمانوں نے طاقت ،غیر مشروط صلح یا اس وضاحت کے ساتھ فتح کیا ہو کہ وہ معابد مسلمانوں کی ملکیت ہوں گے، تو وہاں بھی کفار کی نئی عبادت گاہیں تعمیر کرنا ناجائز ہے۔

فقہا کے راجح قول کے مطابق کفار کو ایسے علاقوں میں نئے معابد بنانے سے منع نہیں کیا جائے گا جن کو مسلمانوں نے اس مشروط صلح کے ساتھ فتح کیا ہو کہ زمین اہل ذمہ کی ہوگی اور وہ مسلمانوں کو اس کا خراج ادا کریں گے۔

حکومتِ سعودی عرب کا دوٹوک اور کھلا موقف یہ ہے کہ اس کی سرزمین پر کفریہ معابد قائم نہیں ہوسکتے، اور یہی وہ شریعت ہے جس کا اللّٰہ اور اس کے رسول ﷺ نے حکم دیا ہے۔

’’کفار کی کسی جائز سرزمین میں عباد ت گاہ ایسے مقام پر منتقل نہیں کی جاسکتی جہاں ان کی نئی عبادت گاہ بنانا ناجائز ہو۔

’’اہل ذمہ کو مسلمانوں کے علاقوں میں کسی اور مذہب کو اپنی عبادت گاہ منتقل کرنے کی اجازت نہیں ہوگی، سوائے ایسی سرزمین کے جہاں کفار سے اس شرط پر صلح کی گئی ہو۔‘‘

ہر ایسی عبادت گاہ جس کو کسی شرعی سبب کی بنا پر گرانا اور ختم کرنا ضروری ہو، اس پر اللّٰہ کی عبادت اور توحید کے لئے مسجد بنائی جاسکتی ہے، بشرطیکہ وہاں سے شرک کی ہرعلامت اور اثرات کا خاتمہ کردیا جائے۔

کفار کی ایسی قدیم عبادت گاہیں جن کو مسلمانوں نے صلح کرکے فتح کیا ہو اور کفار کے ذمے اس زمین کا خراج بھی ہو ، تو جب تک کفار اپنا عہد ایفا کریں، ان کفریہ عبادت گاہوں کو منہدم کرنا ناجائز ہے۔ اسی طرح کفار کی وہ قدیمی عبادت گاہیں جنہیں مسلمانوں نے اس مشروط صلح کے ساتھ فتح کیا ہو کہ ان کے کفریہ معابد باقی رہیں گے، تو ان کو بھی گرانا جائز نہیں ہے۔

ایسی قدیمی عبادت گاہیں جنہیں قوت یا غیرمشروط صلح کے ساتھ مسلمانوں نے فتح کرلیا ہو، تو مسلمانوں کے حاکم کے لئے ان کو گرانا اور باقی رکھنا ، دونوں ہی جائز ہیں۔ اور حاکم کو مسلمانوں کی مصلحت کے مطابق اقدام کرنا چاہیے۔

یہ موقف صحت وسلامتی سے بعید ہےکہ جن بتوں کی پرستش کی جاتی ہو، صرف انہی کو گرانا ضروری ہے، باقی بتوں کو چھوڑا جاسکتا ہے۔ یہ فقہا کے اجماع کے خلاف ایک شاذ موقف ہے۔

فقہا کے راجح قول کے مطابق مسلمانوں کے لئے کفریہ معابد میں حسب ضرورت سردی، بارش وغیرہ کے موقع پر سستانا؍ پناہ لینا جائز ہے۔

مسلمان کے لئے جاندار کی تصویر وں والے کفریہ معابد میں نماز پڑھنا مکروہ ہے۔ اور یہ کراہت اس وقت شدید تر ہوجاتی ہے، جبکہ یہ تصاویر قبلہ کی سمت میں ہوں۔ تاہم اگر ان معابد کو تصویروں سے پاک کرلیا جائے تو علما کے صحیح قول کے مطابق ان میں بلاکراہت نماز پڑھنا درست ہے۔

مسلمان کفریہ معابد میں ان کی عیدوں اور خاص مواقع کے علاوہ جاسکتے ہیں۔ البتہ ایسا بہ کثرت یا ہمیشہ نہیں ہونا چاہیے۔ اور مسلمانوں کو ایسے مقامات پر جاتے ہوئے اپنے دین پر فخرکرنا چاہیے، نہ کہ وہ ان سے متنفر اور کفریہ مظاہر کو اچھا سمجھ کر ان سے خوش ہونے والا ہو، کیونکہ ایسے رویے سے اس کے دین پر خطرناک اثرات پڑ سکتے ہیں۔

مسلمان کے لئے جائز نہیں کہ والدین یا کسی ایک کے مطالبے پر اُنہیں ان کفریہ معابد میں لے کر جائے۔ ایسے وقت میں اسے چاہیئے کہ ان کو ٹالنے میں نرمی کا مظاہرہ اور ان کو راضی کرنے کی بھرپور کوشش کرے۔

جب کوئی کافر(ذمی یا مستامن) جاسوسی کا مرتکب ہو اور جاسوسی کے مذموم مقاصد کے لئے اپنے معابد کو استعمال کرے تو اس سے اس کا معاہدہ اما ن ٹوٹ جاتا ہے۔ اور حاکم وقت، مسلمانوں کی مصلحت کے مناسب حال اس کو سزا دینے، یا قتل وقید کردینے کا اختیار رکھتا ہے۔

کفریہ معابد کو نجاست وغیرہ سے ناپاک کرنا ناجائز ہے، اور حاکم وقت ایسا کرنے والے کو سزا دے ۔

’’کفریہ معابد کے اندر ملکیتی چیزوں، بتوں اور صلیبوں کو چوری کرنا اور چھین لینا ناجائز ہے۔ اگر بعینہٖ وہ چیزیں مل جائیں تو اُنہیں واپس کرنا لازمی ہے۔ اور ضائع ہوجانے کی صورت میں ایسی اشیا کی مالیت نہیں دی جائے گی، جن کی مالیت کو شرع نے رائیگاں کردیا ہے، جیسے بت اور شراب وغیرہ

معابد کفریہ کی تزئین وآرائش اور ان کی طرف دعوت وفروغ کی حرمت

کفریہ معابد كی تجدید وتعمیرکرنا اللّٰہ کی نافرمانی کا موجب ہے، چاہے کوئی مسلمان یہ کام کرے یا کافر۔ اور اس میں فیصلہ کن امر’ کفار کے منع وعدم منع‘ کے لحاظ سے ہی ہے۔فقہا کا اس پر اتفاق ہے کہ جن علاقوں کو مسلمانوں نے بنایا ہو، یا اس کے سب باشندے اسلام لا چکے ہوں ، وہاں کفار کو اپنے معابد کی تجدید وتعمیرسے روکا جائے۔ تاہم جن علاقوں میں صلح اس بنا پر ہو کہ معابد کفار کے پاس ہی رہیں گے، وہاں انہیں روکنا بھی بالاتفاق منع ہے۔ یا ایسے علاقے جنہیں مسلمانوں نے اس معاہدہ صلح پر فتح کیا ہے کہ وہ معابد کفار کے پاس ہوں گے اور اہل ذمہ اپنے معابد اور ان میں ترمیم کرسکیں گے۔

کفریہ معابد کو کسی بھی نوعیت کی زینت و آرائش سے مزین کرنا ممنوع ہے۔ اسی طرح مسلمانوں کے شہروں اور بستیوں میں موجود کفریہ معابد کی بیرونی دیواروں اوردروازوں پر اہل کفر کے شعائر کو نمایاں نہیں کیا جاسکتا۔ تاہم جن بستیوں میں صرف کافر ہی بستے ہوں اور اس پر اُنہوں نے صلح کررکھی ہو تو وہاں اُنہیں روکا نہیں جاسکتا۔

کفریہ معابد کی طرف سیاحوں کو اعلان و دعوت کی کسی صورت سے بلانا ناجائز ہے۔مسلمانوں کے حاکم کا فرض ہے کہ جو بلادِ اسلامیہ میں کفریہ معابد کی ترویج اور اعلان کرے تو اس کا سدباب کرے۔

کفریہ معابد کی تعمیر سے ملتے جلتے ماڈل بنانا، بیچنا اور سٹاک رکھنا حرام ہے۔

کسی مسلمان کو اپنی انگوٹھی وغیرہ پر کسی ذی روح کے مجسمے کا کوئی نقش بنانا جائز نہیں۔اسی طرح کسی جاندار کے مجسمے والی نقش شدہ انگوٹھی پہننا اور اس کی خریدوفروخت کرنا بھی حرام ہے۔

کسی بھی میٹریل سے صلیب بنانا مسلمان کے لئے جائز نہیں ہے۔ ایسے ہی انگوٹھی وغیرہ پر صلیب بنانا بھی ناجائز ہے۔ اس کو پہننا اور اس کو سنبھالنا بھی ناجائز ہے۔

ٹریول ایجنسیوں کے مالکان پر ان کفریہ معابد کی طرف رہنمائی کرنے والے گائیڈوں کے معاوضے؍ ملازمتیں دینا حرام ہے۔ اور کوئی مسلمان بھی مفت یا اجرت پر یہ کام کرنے کا مجاز نہیں ہے۔ کسی کفریہ معبد میں داخلے کی فیس دینا بھی مسلمان پر جائز نہیں۔ اور یہ بھی کہ سیاحوں سے اس کی ٹکٹیں؍ اجرت جمع کرنے اور اس کام کی تنظیم کی ذمہ داری لی جائے۔

کفریہ معابد کے لئے کوئی زمین یا علاقہ بیچنا ؍ کرایہ پر دینا حرام ہے۔

جب کفار سے خرید نے کے علاوہ کفریہ معابد کو واپس لینے کی کوئی صورت نہ ہو تو اسے خریدنا جائز ہے۔

کسی مسلمان کے لئے کفریہ معابد کی تعمیر کی پلاننگ، آرکیٹیکٹ انجنیئرنگ کرنا بھی جائز نہیں ۔ ایسے ہی کسی معبد میں معمار، بڑھئی،ورکر اور گارڈ بننا بھی جائز نہیں۔

مسلمان پر کفریہ معبد کے لئے وقف کرنا، کوئی وصیت کرنا، صدقہ کرنا ناجائز ہے جس سے اس کی تعمیر، تجدید، فرش اور لائٹنگ کی جائے یا اس میں آنے والوں، اس کے ملازموں اور ورکروں کو سہولت ملتی ہو۔ اور اگر کفار اسلامی عدالت سے ایسی وصیت اور صدقہ کے سلسلے میں رجوع کریں تو اس (ناجائز عمل) کا قانونی اِجرا کرنا جائز نہیں۔‘‘

شیخ الاسلام ابن تیمیہ نے اس کا یوں جواب دیا:

’’پادری کے لئے یہاں کنیسہ بنانا جائز نہیں، اگرچہ اس میں پرانے کنیسے کے آثار موجود ہوں۔ کیوں کہ یہ شام کی خشک زمین پر ہے اور اس کو مسلمانوں نےقوت و غلبہ سےساتھ فتح کیا تھا، یہ ان کی ملکیت تھی۔ تو مسلمانوں کے لئے ان کنیسوں کو ختم کرنا جائز تھا، اس پر مسلمانوں کا اتفاق ہے۔ اگرچہ اس میں اختلاف ہے کہ آیا اس کو گرانا واجب ہے یا نہیں؟ کسی کے لئے جائز نہیں ہے کہ اس پادری کی معاونت کرے، جو ایسا کرے گا اس پر عقوبت واجب ہو گی۔ اگر یہ کام کرنے والا کوئی ذمی ہوگا ،توعلما کے ایک قول کے مطابق اس کا عہد ختم ہو جائے گا، اس کا خون اور مال مباح ہوجائے گا۔ کیوں کہ اس نے ان شرائط کی مخالفت کی ہے، جو مسلمانوں نے اس پر عائد کی ہیں۔ مسلمانوں نے ان پر شرط لگائی تھی کہ جس نے عہد توڑ دیا اس پر وہ سب احکام لاگو ہوں گے، جو اہل حرب پر ہوتے ہیں۔‘‘

شیخ الاسلام ابن تیمیہ  سے پوچھا گیا کہ کفار کے معابد مثلاً بیت المقدس کے بڑے گرجا: قُمامہ اورجبل صہیون ، بیت اللحم، اور عیسائی کنیساؤں وغیرہ کی زیارت کا شرعی حکم کیا ہے؟ تو آپ نے جواب دیا:

’’جو بھی شخص ایسے کفریہ مقامات کا دورہ اس عقیدہ کے ساتھ کرتا ہے کہ یہ نیک کام ہے، اور ان میں عبادت کرنا گھر میں عبادت سے بہتر ہے، تو ایسا شخص گمراہ اور شریعتِ اسلامیہ سے خارج ہے، اس سے توبہ کا مطالبہ کیا جائے، اگر توبہ کرلے تو درست وگرنہ اس کو (بطورِسزا)قتل کردیا جائے۔البتہ اگر کوئی شخص ایسے مقامات پر کسی ضرورت کی بنا پر جائے اور وہاں نماز کا وقت ہوجائے تو اس میں علما کے تین موقف ہیں: امام احمد کے مطابق وہاں نماز پڑھنا مطلقاًمکروہ ہے۔ابن عقیل اور امام مالک نے اسی موقف کو اختیار کیا ہے۔ دوسرا موقف یہ ہے کہ مطلق طور پر نماز پڑھنا جائز ہے۔اور یہ بھی موقف رکھا گیا ہے کہ اگر تصاویر موجود ہوں تو نماز سے روکا جائے گا، وگرنہ نہیں۔ اور یہ موقف امام احمد سے بھی ملتا ہے۔ اور یہی سیدنا عمر بن خطاب وغیرہ سے مروی ہے کہ نبی کریم نے ارشاد فرمایا: فرشتے اس گھر میں داخل نہیں ہوتے جس میں تصاویر ہوں۔ اور نبی کریم ﷺ نے جب مکہ فتح کیا تو کعبہ میں بت تھے۔ آپ اس وقت تک کعبہ میں نہیں گئے جب تک سارے بُت گرا نہ دیے گئے۔‘‘

---

[1]    کنگ سعود یونیورسٹی ، الریاض کے شعبہ ’اسلامی تہذیب ‘ ، فیکلٹی آف ایجوکیشن میں مرحلہ ایم فل کا مقالہ 1429ھ

[2]    مجموع فتاوی ابن تیمیہ: 28؍ 647

[3]    مجموع فتاوی ابن تیمیہ :27؍14- 16