لَا اِلٰهَ إِلَّا اللهُ کے ذریعے تجدیدِ عہد کے مواقع

’’اللہ تعالیٰ قیامت کے دن میری اُمت کے ایک شخص کو چھانٹ کر نکالے گا اور سارے لوگوں کے سامنے لائے گا اور اس کے سامنے (اس کے گناہوں کے) ننانوے رجسٹر پھیلائے جائیں گے، ہررجسٹر حد نگاہ تک ہوگا ۔ پھر اللہ عزوجل پوچھے گا: کیا تو اس میں سے کسی چیز کا انکار کرتا ہے؟ کیاتم پر میرے محافظ کاتبوں نے ظلم کیا ہے؟ وہ کہے گا:نہیں اے میرے ربّ ! پھر اللہ کہے گا: کیا تیرے پاس کوئی عذر ہے؟ تو وہ کہے گا: نہیں، اے میرے ربّ! اللہ کہے گا(کوئی بات نہیں) تیر ی ایک نیکی میرے پاس ہے۔ آج کے دن تجھ پرکوئی ظلم (وزیادتی) نہ ہوگی، پھر ایک پرچہ نکالا جائے گا جس پر أَشْهَدُ أَنْ لاَ إِلٰهَ إِلاَّ اللهُ وَأَشْهَدُ أَنَّ مُحَمَّدًا عَبْدُهُ وَرَسُولُهُ لکھا ہوگا ۔ اللہ فرمائے گا: جاؤ اپنے اعمال کے وزن کے موقع پر ( کانٹے پر) موجود رہو، وہ کہے گا: اے میرے ربّ! ان دفتروں کے سامنے یہ پرچہ کیا حیثیت رکھتا ہے؟ اللہ فرمائے گا: تمہارے ساتھ زیادتی نہ ہوگی۔آپ ﷺ نے فرمایا :پھر وہ تمام دفتر(رجسٹر )ایک پلڑے میں رکھ دیئے جائیں گے اور وہ پرچہ دوسرے پلڑے میں ، پھر وہ سارے دفتراٹھ جائیں گے، اور پرچہ بھاری ہوگا۔( اور سچی بات یہ ہے کہ ) اللہ کے نام کے ساتھ (یعنی اس کے مقابلہ میں) جب کوئی چیز تولی جائے گی ، تو وہ چیز اس سے بھاری ثابت نہیں ہوسکتی۔‘‘

’’ اللّٰہ کے سوا کوئی معبود نہیں، وہ اکیلا ہے۔ اس کا کوئی شریک نہیں۔ بادشاہت اسی کی ہے۔ اور تمام تعریفات اسی کی ہیں اور وہ ہر چیز پر قادر ہے۔ تعریف اللّٰہ ہی کے لیے ہے۔ میں اللّٰہ کی پاکیزگی بیان کرتا ہوں۔ اللّٰہ کے سوا کوئی معبود نہیں۔ اللّٰہ وہ سب سے بڑا ہے۔ نیکی کرنے کی اور برائی سے بچنے کی طاقت اللّٰہ ہی کی توفیق سے ہے۔پھر یہ دعا پڑھے: (اللهم اغْفِرْ لي) ’’اے اللّٰہ! مجھے معاف فرما دے۔‘‘ یا کوئی اور دعا کرے تو اس کی دعا قبول ہوتی ہے اور اگر وضو کر کے نماز پڑھے تو اس کی نماز بھی قبول ہوتی ہے۔ ‘‘

’’ میں گواہی دیتا ہوں کہ اللّٰہ کے سوا کوئی معبود نہیں ، وہ یکتا ہے۔ اس کا کوئی شریک نہیں ۔ اور یقینا ً محمدﷺ اس کے بندے اور رسول ہیں ۔ اور عیسیٰ (﷤) اللّٰہ کے بندے ، اس کی بندی کے بیٹے اور اس کا کلمہ ہیں جسے اس نے مریم کی طرف القا کیا تھا ، اور اس کے حکم سے بھیجی گئی روح ہیں ، اور یہ کہ جنت حق ہے اور دوزخ حق ہے ، اس شخص کو اللّٰہ تعالیٰ جنت کے آٹھ دروازوں میں سے جس سے چاہے گا ، جنت میں داخل کر دے گا ۔‘‘

’’ اے اللّٰہ ! تو پاک ہے، میں تیری تعریف کرتا ہوں ، تیرا نام برکت والا ہے ، تیری عظمت بلندو بالا ہے اور تیرے سوا کوئی معبود برحق نہیں۔ ‘‘

’’بقا وبادشاہت، عظمت و اختیار اور کثرت خیر، ساری دعائیں اور ساری پاکیزہ چیزیں اللّٰہ ہی کےلیے ہیں۔ آپ پر سلام ہو اے نبی! اور اللّٰہ کی رحمت اور اس کی برکتیں ہوں۔ ہم پر اور اللّٰہ کے نیک بندوں پر سلام ہو۔ میں گواہی دیتا ہوں کہ اللّٰہ کے سوا کوئی معبود نہیں اور میں گواہی دیتا ہوں کہ محمدﷺ اللّٰہ کے رسول ہیں۔‘‘

’’ایک اللّٰہ کے سوا کوئی عبادت کے لائق نہیں ، اس کا کوئی شریک نہیں ،حکومت اور فرمانروائی اسی کی ہے اور وہی شکر و ستائش کا حقدار ہے اور وہی ہر چیز پر قادر ہے۔گناہوں سے بچنے کی توفیق اور نیکی کرنے کی قوت اللّٰہ ہی سے (ملتی)ہے ، اس کے سوا کوئی الٰہ و معبود نہیں ۔ ہم اس کےسوا کسی کی بندگی نہیں کرتے ، ہر طرح کی نعمت اور سارا فضل و کرم اسی کا ہے ، بہترین تعریف کا سزا وار بھی وہی ہے ، اللّٰہ کے سوا کوئی معبود نہیں ، ہم اس کے لیے دین میں اخلاص رکھنے والے ہیں ،چاہے کافر اس کو (کتنا ہی )نا پسند کریں ۔‘‘

’’یقیناً تمام حمد اللّٰہ کے لیے ہے،ہم اسی کی حمد کرتے ہیں اور اسی سے مدد مانگتے ہیں،جس کو اللّٰہ سیدھی راہ پرچلائے،اسے کوئی گمراہ نہیں کرسکتا اور جسے وہ گمراہ چھوڑ دے،اسے کوئی راہ راست پر نہیں لاسکتا اور میں گواہی دیتا ہوں کہ اللّٰہ کے سواکوئی سچا معبود نہیں،وہی اکیلا(معبود) ہے،ا س کا کوئی شریک نہیں اور بلاشبہ محمد ﷺ اس کے بندے اور اس کے رسول ہیں۔حمد وثنا کے بعد..! ‘‘

’’اے اللّٰہ! تو میرا ربّ ہے۔ تیرا ہی بندہ ہوں۔ میں ان بری حرکتوں سے تیری پناہ چاہتا ہوں جو میں نے کی ہیں۔ جو تیری نعمتیں ہیں میں ان کاا قرار کرتا ہوں اور میں اپنے گناہوں کا بھی اعتراف کرتا ہوں۔ میری مغفرت کردے۔ بلاشبہ تیرے سوا کوئی بھی گناہ معاف کرنے والا نہیں۔‘‘

’’اے اللّٰہ! تیرے سوا کوئی معبود برحق نہیں تو پاک ہے، میں ہی قصوروار ہوں ۔‘‘ اگر کوئی مسلمان اپنی حاجت کے وقت یہ دعا پڑھے تو اللّٰہ تعالیٰ ضرور قبول فرمائیں گے ۔‘‘

’’ سب سے بہترذکر لَاإِلٰهَ إِلَّا الله ہے، اور بہترین دعا ’الحمد للہ‘ہے ۔‘‘

’’ اللّٰہ کے سوا کوئی معبود نہیں جو نہایت بردبار اور بہت زیادہ سخی ہے۔ اللّٰہ پاک ہے جو عرش عظیم کا مالک ہے۔ اور اللّٰہ پاک ہے جو سات آسمانوں کا مالک اور عزت والے عرش کا مالک ہے۔‘‘

’’اللّٰہ کے سوا کوئی عبادت کےلائق نہیں،وہ اکیلا ہے،ساری بادشاہت اسی کی ہے اورساری تعریف اسی کے لئے ہے۔اکیلے اللّٰہ کےسوا کوئی عبادت کےلائق نہیں،اس نےاپنا وعدہ خوب پورا کیا،اپنے بندے کی نصرت فرمائی ،تنہا(اسی نے) ساری جماعتوں(فوجوں) کو شکست دی۔‘‘

’’ تم اہل کتاب کے پاس جا رہے ہو، وہاں جا کر اُنہیں پہلے کلمہ توحید کی دعوت دینا کہ اللّٰہ تعالیٰ کے سوا کوئی معبودِ برحق نہیں اور محمد اللّٰہ تعالیٰ کے رسول برحق ہیں...الخ۔ ‘‘

’’ مجھے حکم ملا ہے کہ میں لوگوں سے جنگ جاری رکھوں یہاں تک کہ وہ اس بات کی شہادت دیں کہ اللّٰہ کے سوا کوئی معبود حقیقی نہیں اور حضرت محمد ﷺ اللّٰہ کے رسول ہیں۔ پورے آداب سے نماز ادا کریں اور زکاۃ دیں۔ جب وہ یہ کرنے لگیں تو انہوں نے اپنے مال و جان کو مجھ سے بچا لیا، سوائے حق اسلام کے۔ اور ان کا حساب اللّٰہ کے سپرد ہے۔‘‘

’’جس کی آخری باتلَا إِلٰهَ إِلَّا الله ہو، وہ جنت میں داخل ہو گا ۔ ‘‘

’’جو بدشگونی کی بنا پر کوئی کام چھوڑ دے تو اس نے شرک کیا۔( صحابہ کرام﷢نے عرض کیا: اے اللّٰہ کے رسول ﷺ! اس کا کفارہ کیا ہے ؟ تو آپ ﷺ نے فرمایا: وہ فورًا یہ دعائیہ کلمات کہے:’’اے اللّٰہ! تیرے سوا کچھ نہیں ہرقسم کی بھلائی بھی صرف تیری ہی بھلائی ہے اور تیرے سوا کوئی معبود برحق نہیں ۔‘‘