فہرست مضامین

متفرق نظمیں
مارچ 1985ء
فضل روپڑی

زندگانی کا اعتبار نہیں

        زندگانی کا اعتبار نہیں                       اس پہ انساں کا اختیار نہیں
              دل لگانے سے فائدہ کیا ہے                یہ جہاں جبکہ  پائدار نہیں
         جال حرص وہوس نے پھیلائے                  آرزوؤں کا کچھ شمار نہیں
         کیا خبر کتنے سانس باقی ہیں                      ہم گناہوں پہ شرمسار نہیں
         کوئی آتا ہے کوئی جاتا ہے                      یاں کسی کو بھی کچھ قرار نہیں
           موت کو یاد رکھ سدا غافل                     سخت منزل ہے رہگزار نہیں
           امتحاں ہر قدم پر ہے تیرا                    تجھ کو احساس مرے یار نہیں
           آج موقعہ ہے فکر فردا کر                    کل  پہ کچھ تجھ کو اختیار نہیں
ہے خدا یا ترا ہی فضل و کرم
اہل دنیا وفاشعار نہیں!