رضائے خدا ہے رضائے محمدﷺ
صفات ِ محمدؐ ثنائے محمدؐ ہے شرح کلام خدائے محمدؐ
خدا خود سلام آپؐ پر بھیجتا ہے خدا خود ہے مدحت سرائے محمدؐ
مُحبِ محمدؐ حبیب ِخدا ہے رضائے خدا ہے رضائے محمدؐ
وہ خوش بخت ہیں اہل دیں اس جہاں میں ہوئی جن کوحاصل لقائے محمدؐ
عبادت میں خالق کی ، خلقت کے غم میں گزتے تھے صبح ومسائے محمدؐ
پہنچ کر رہی بز م عالم میں ہر سُو صفا پر جوگونجی ندائے محمدؐ
خوشی سے صحابہ کے دل جُھوم اُٹھے سرِبزم جب مسکرائے محمدؐ
محمدؐ کی شیریں نواوی کا عالم زمانہ ہوا ہمنوائے محمدؐ
محمدؐ جہاں کےلیے رہنما ہیں خدا آپ ہے رہنمائے محمدؐ
مقدّر ہو تاجِ ختم نبوت یہ شان اور یہ ارتقائے محمدؐ
ہوا بہرہ ور دولت دیں سے عاجز یہ ہے فیض لطف ِ سخائے محمدؐ
