محمدّیؐ انقلاب

آپ ﷺ کے بابِ کرم پر ہو گیا جو بار یاب       اس کے دل سے مٹ گیا ہر اضطرار و اضطراب

آپ ﷺ کے باعث ملی ہے دو جہاں کو روشنی       آپ ﷺ کے مرہون ہیں یہ ماہتاب و آفتاب

آپ ﷺ کی اِک ضربتِ باطل شکن سے مٹ گئے      نائلہ، عزےٰ، منات ولات سب مثلِ حباب

شوکتِ ایران، شانِ روم، اقبالِ یمن        آپ ﷺ کی عظمت کے آگے پارہ پارہ آب آب

دہر سے سب اختلافِ فقر و دولت مٹ گیا      آپ ﷺ کے باعث زمانے میں ہوا وہ انقلاب

آپ ﷺ کا دینِ مبیں دنیا میں پھیلا چار سو      آپ ﷺ کے باعث زمانے میں ہوا وہ انقلاب

قیصر و کسرےٰ، فرید دن و سکندر مٹ گئے      سب سے بہتر باب ہے وہ سب سے برتر وہ جناب

آپ ﷺ کے دیں میں جو صدقِ دل سے شامل ہو گیا       اِس جہاں میں کامراں اور اُس جہاں میں کامیاب

اس جہاں میں سب سے بہتر زندگی کا ضابطہ

آپ ﷺ کی سنت ہے اور اللہ تعالیٰ کی کتاب