کیا آمد بہار ہے غم خوار کچھ نہ پوچھ گلش میں ہیں بہار کے آثار کچھ نہ پوچھ

کس اوج پر ہے طالع بیدارکچھ نہ پوچھ مشرق ہے آج مطلع انوار کچھ نہ پوچھ

احیائے دین نوید بہاراں ہے اِن دنوں دامانہ گلفروش ہے ہر خار کچھ نہ پوچھ

اگر صبر وقناعت ہے                                                     توراحت ہی راحت ہے

تکبر کا مال اکثر                                                             لڑائی ہے عداوت ہے

ہزاروں رنج جلوت کا                                                مداوا کنج خلوت ہے

سردارِ دو عالم ﷺ کی تقاریر۔ احادیث       افعالِ پیمبر ﷺ کی تصاویر۔ احادیث

یہ رنگِ تقدس ہے نہ یہ بوئے طہارت          ہیں غیرتِ صد وادیٔ کشمیر ۔ احادیث

ہیں کانِ نبی کے در شہوارِ معانی!              کس طرح نہ ہوں معدنِ توقیر۔ احادیث

پہلو میں درد قلب میں ہے اختلاج آج        کرنا ہے اے نگاہِ کرم کر علاج آج

شاید نہ اس کے بعد کوئی ہاتھ اُٹھ سکے            رکھ لے کسی کے دستِ دعا کی تو لاج آج

اک حسن منتظر ہے کہ کل کل پہ ہے بضد        اک عشق منتظر ہے کہ کہتا ہے آج آج

جس قوم میں اللہ کی طاعت نہیں رہتی           اللہ کو اس قوم کی چاہت نہیں رہتی

جس قوم میں تنظیمِ جماعت نہیں رہتی             اس قوم کو پھر ہیبت و دہشت نہیں رہتی

جس قوم کے افکار میں وحدت نہیں رہتی            اس قوم کی پھر عزت و عظمت نہیں رہتی

اللہ کا جو تابعِ فرماں نہیں ہوتا        انسان حقیقت میں وہ انساں نہیں ہوتا

بے کیف ہے یہ جلوہ گرِ حسن و محبت       پروانہ اگر شمع پہ قربان نہیں ہوتا

مومن کسی انساں کو پریشان نہیں کرتا       مومن کسی انساں سے پریشاں نہیں ہوتا

جس دل میں مدینے کی کوئی چاہ نہیں ہے کچھ اور ہے وہ دِل نہیں واللہ نہیں ہے

اس کوچۂ اطہر کے گداؤں کے علاوہ دنیا میں کوئی اور شنہشاہ نہیں ہے

ہیں دو ہی مقاماتِ سکوں طیبہ و بطحا بعد ان کے جہاں میں کوئی درگاہ نہیں ہے

اے خدا بخش دے ہم گنہگار ہیں

تیری رحمت کے ہر دم طلب گار ہیں

اے خدا بخش دے ہم گنہگار ہیں!

بر خلاف نصِ قرآں، یہ مذاقِ اجتہاد

دیدنی ہے باز گشتِ اعتزال و اِرتداد !

مکر و فن کا کھیل ہے ان کی بساطِ استناد

بنائے دشمنی دنیا میں انداز تحلم ہے                ہر اک جھگڑے کا حل اے دوست تفہیم و تفہم ہے

اجل آتے ہی کیا تجھ کو ہوا اےرُستم دنیا          بدن بے حس،نظر معدوم،محروم تکلم ہے

ترے حُسن توجہ سے یہ صحن گلشن عالم             ترنم ہی ترنم ہے تبسم ہی تبسم ہے

سید الابرارؐ، ختم المرسلینؐ! جانِ فطرت رحمۃٌ للعالمیںؐ

فخرِ موجوداتؐ و فخر کائناتؐ شافعؐ محشر، شفیع المذنبیںؐ

ہادیٔ حق، رہبرِ کامل ہیں آپؐ آپؐ کا ہے فیض جاری ہر کہیں

بایں پردہ داری چھپا بھی نہیں مگر وہ دکھائی دیا بھی نہیں

یہ اعجاز ہے میرے محبوب کا جدا بھی ہے او روہ جدا بھی نہیں

اگر تم نہیں دردِ دل آشنا تو پھر دردِ دل کی دوا بھی نہیں