خوش مرتبہ و مقامِ صحابہ     غلامِ محمد ﷺ غلامِ صحابہ
کلامِ محمد ﷺ کلامِ صحابہ      پیامِ محمد ﷺ پیامِ صحابہ
گلِ مجتبیٰ ﷺ سے گلِ مصطفےٰ     سے معطر معطر مشامِ صحابہ
سمجھ لو کہ ایماں مکمل نہیں ہے         نہ ہو دل میں گر احترام صحابہ
دلوں میں بچھی ان کے کیا چاندنی سی       محمد ﷺ ہیں ماہِ تمامِ صحابہ
ستاروں کی مانند روشن ہیں سارے      ہے برحق حدیثِ مقامِ صحابہ
صداقت عدالت سخاوت شجاعت       ہیں زندہ جہاں میں بنامِ صحابہ
خدا ان سے راضی وہ راضی خدا سے
ہے کیا رازؔ عالی مقام صحابہ