ہے نامِ محمد ؐ سے عیاں شانِ محمدؐ      جو شانِ محمدؐ ہے وہ شایانِ محمدؐ
شاہانِ زمانہ کی حقیقت کو نہ پوچھو      شاہانِ زمانہ ہیں غلامانِ محمدؐ
ہوتا ہے رَفَعْنَا لَکَ ذِکْرَک سے یہ ثابت     خود ربّ محمدؐہے ثنا خوانِ محمدؐ
ہے حُبِّ محمدؐہی رہ حُبِّ الٰہی     محبوبِ الٰہی ہیں جیبانِ محمدؐ
کر سکتے نہیں پھر وہ کسی اور کی تقلید      ہو جاتے ہیں جو حلقہ بگوشانِ محمدؐ
مشفق بھی ہے محسن بھی ہے صادق بھی امیں بھی      ہر بات محمدؐکی ہے شایانِ محمدؐ
ہر صبح منور ہے تو ہر شام معطر       اللہ رے یہ وسعتِ دامانِ محمدؐ
سرتابیٔ فرمانِ محمدؐسے خبردار      اللہ کا فرمان ہے فرمانِ محمدؐ
دولت ہے کہ اولاد ہو، دل ہو کہ جگر ہو
عاجزؔ کی ہر اک چیز ہے قربانِ محمدؐ